Shkup, 15 tetor – Vala e lagësht solli sasi të shiut ekuivalent me shuma dymujore. Pas një periudhe të gjatë të thatë, ky karakter i matur i reshjeve të cilat tërësisht janë absorbuar në tokën e thatë është ajo për të cilën kishin nevojë bujqit, thonë agrometeorologët.
Megjithatë, shtojnë, për momentin lagështia momentale është shumë e madhe për të filluar çfarëdo punimesh në fushë.
“Duke i pasur parasysh parashikimet, kjo valë e lagësht përfundon kësaj fundjave dhe javën e ardhshme duhet të kemi para së gjithash mot të thatë, pa reshje, në fillim me vranësira mesatare, me rritjen e temperaturave të ditës të cilat duhet të arrijnë deri në 20 gradë Celsius gjatë javës, që është lajm i mirë për prodhuesit bujqësorë. Për bujqit është e rëndësishme që vranësirat do t’i ruajnë temperaturat e mëngjesit në nivel më të lartë ndërsa temperaturat e ditës do të jenë në rritje me çka do të nxehet atmosfera dhe nuk do të ketë temperatura minimale të mëngjesit. Kjo do t’u mundësojë kushte optimale për mbledhjen e rekoltës”, theksojnë agrometeorologët.