Agjencia Zhurnal.mk.

Rekrutët rusë janë pak ose aspak të stërvitur për luftë

Në një raport të shtunën të ministrisë mbritanike të Mbrotjes thuhet se “gjasat janë që rekrutët e sapomobilizuar nga ana e Rusisë, të jenë pak ose aspak të stërvitur për luftë”.

 

Sipas raportit Moska po has ndoshta në vështirësi në aftësimin profesional të të mobilizuarve në shtator e me gjasë dhe të atyre që parashikon t’i rekrutojë brenda këtij muaji, si pjesë e një cikli të rregull vjetor.

Forcat e Armatosura ruse po hasin vështirësi aktualisht me stërvitjen e rreth 300 mijë trupave si pjesë e mobilizimit të pjesshëm të njoftuar në shtator. Këtij numri pritet t’i shtohen edhe 120 mijë rekrutë të tjerë, mobilizimi i të cilëve nis më nëntor“, thuhej në njoftimin e ministrisë mbritanike të Mbrotjes.

Rusia ka shfrytëzuar Bjellorusinë për stërvitje, për shkak të mungesës së personelit për këtë qëllim, municioneve dhe objekteve për stërvitje.

“Dislokimi i trupave pak ose aspak të stërvitura, ofron pak aftësi shtesë luftarake sulmuese”.

Ndërkohë Shtetet e Bashkuara njoftuan se po ofrojnë rreth 400 milionë dollarë ndihmë për Ukrainën, ndërsa lufta ka hyrë në muajin e nëntë të saj.

Departamenti amerikan i Mbrojtjes tha në një deklaratë se paketa e fundit mbi sigurinë “thekson përkushtimin e vazhdueshëm të Uashingtonit për të mbështetur Ukrainën, për të përmbushur nevojat e saj më urgjente, si dhe për të ndërtuar gjithashtu kapacitetet e Forcave të Armatosura të Ukrainës për të mbrojtur sovranitetin e saj, në planin afatgjatë”.

Që nga fillimi i sulmit të paprovokuar dhe brutal të Rusisë më 24 shkurt Shtetet e Bashkuara kanë dhënë më shumë se 18.2 miliardë dollarë për Ukrainën “, thuhej në deklaratën e Pentagonit.

Related posts

Mediat turke: U pa duke vendosur një pako! Erdogan: Një grua luajti rol në shpërthimin në Stamboll

Xh M

Erdogani e promovon veturën e parë elektrike turke

Xh M

Ndryshimet klimatike do ta zvogëlojnë prodhimtarinë e grurit

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More