Agjencia Zhurnal.mk.

Regjisori i “Titanikut” zbuloi pse kishte punësuar aktorë shtatshkurtër në xhirimet e filmit

Kur filmi “Titanik” i James Cameron u lansua në vitin 1997, ishte filmi më i shtrenjtë i realizuar ndonjëherë. Por, kjo nuk do të thotë se regjisori fitues i çmimeve Oscars nuk shpiku një truk për të kursyer kostot për realizimin e filmit që hyri në histori.

Duke folur për rilansimin e filmit në 4K, Cameron zbuloi vendimin e thjeshtë që mori gjatë xhirimeve të skenave të Titanikut, shkruan Business Insider.

Regjisori i njohur amerikan tha se për skenën e njerëzve në prapavijë punësoi aktorë shtatshkurtër për t’u dukur skenat më të mëdha.

Foto: Filmi Titanik / Paramount

“Ne punësuam vetëm aktorë shtatshkurtër, në mënyrë që seti i skenave të dukej më i madh”, deklaroi Cameron.

“Kushdo që ishte mbi 172.72 centimetra, ne nuk e morëm në film. Duke kursyer gati një million dollar”, potencoi artisti.

Përpara se filmi të dilte në treg, projekti bëri bujë për buxhetin e tij të madh, në atë kohë raportohej të ketë qenë vlera prej 200 milionë dollarë, duke e bërë atë filmin më të shtrenjtë të realizuar ndonjëherë në ato vjet.

Foto: Filmi Titanik / Paramount

“Shkalla e gjithçkaje ishte përtej çdo gjëje që mund të imagjinonim për sa i përket përvojës sonë të mëparshme. Pjesa më e madhe e Titanikut u bë me efekti praktike dhe me sete skenografie gjigante”, potencoi regjisori amerikan.

“Në atë kohë menduam se nuk do të nxjerrnim fitimet e kostos”.

People

Filmi “Titanik” është një nga filmat më të shitur në histori dhe filmi i parë që kapi vlerën e shitjeve prej 1 miliard dollarë.

James Cameron nuk krijoi vetëm këtë kryevepër, por edhe filmin shumë të famshëm fantastiko-shkencor, Avatar; një film që ngërthen efektet vizuele më të mira të realizuara te ndonjë film.

Related posts

“Festivali i Fëmijëve në Mersin të Turqisë” 19-24 Prill 2024

D V

Rileximi i mërzitshëm i “Uliksit”!

D V

Bretkosa nobelisti Mo Yan dhe klithmat e fëmijëve të vrarë në barkun e nënave!

D V

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky