Shkup, 16 korrik – Ka përparim në transparencën e administratës publike, si dhe përmirësime në fushën e financave publike, por bashkëpunimi me sektorin e shoqërisë civile ende duhet të përmirësohet. Dobësitë janë vërejtur gjithashtu në menaxhimin e burimeve njerëzore dhe punësimin e përkohshëm. Këto janë konkluzionet kryesore të raportit të dytë të monitorimit mbi reformën e administratës publike, i zbatuar në vitin 2020 nga Instituti për Politikë Evropiane (EPI).
Sondazhi i EPI mbi monitorimin e reformës së administratës publike tregon se Maqedonia e Veriut është përpara vendeve në rajon në menaxhimin e financave publike dhe është përcaktuar që janë ndërmarrë hapa të rëndësishëm për të përmirësuar menaxhimin e financave publike në vend dhe janë krijuar aplikacione të rëndësishme për të monitoruar financat publike. Gjithashtu është përmirësuar komunikimi dhe bashkëpunimi i Entit të auditimit shtetëror me publikun.
“Buxheti vjetor, raportet vjetore të performancës, raportet ekonomike gjashtëmujore dhe tremujore janë të qasshme. Buxheti i qytetarëve ofron përmbledhje të buxhetit përmes interfejs interaktive të krijuar për qytetarët. Uebfaqe të rëndësishme të hapura – financa , borxhi publik dhe transparenca financiare (për) Kovid-19”, thuhet në raport.
Në lidhje me qasshmërinë e informacionit të furnizimit publik, thuhet se çdokush mund të shfletojë falas në Sistemin elekronik për furnizime publike, për shpalljet e publikuara, kontratat e dhëna, e-furnizimet, dhe e-ankesat.
Sipas pjesës më të madhe të organizatave, thuhet në dokument, ata morën informacion publik brenda periudhës së parashikuar, falas dhe në formatin e kërkuar.
Sa i përket ofrimit të shërbimeve, perceptimet e qytetarëve për përpjekjet e qeverisë janë përkeqësuar. Shumica e qytetarëve janë të vetëdijshëm për ekzistencën dhe dinë të përdorin shërbimet elektronike, por një përqindje e madhe besojnë se kanalet e ndarjes së mendimit duhet të thjeshtohen, ndërsa 60 për qind besojnë se administrata ka përdorur sugjerimet e tyre.
Kur bëhet fjalë për shërbimet elektronike, nënvizohet se mungojnë udhëzime të thjeshta dhe të lehta për përdoruesit, dhe se ato nuk janë në dispozicion për shërbimet kryesore siç janë regjistrimi i automjeteve dhe lëshimi i dokumenteve personale.
