Agjencia Zhurnal.mk.

Ramadani i brengosur pas barazimit me Ulpianën, zbulon se për çka i flet futbollistëve në çdo stërvitje

Kampioni në fuqi i Kosovës, Prishtina nuk ka arritur më shumë se një barazim 1-1 ndaj Ulpianës në “Fadil Vokrri”, shkruan Gazeta Olle.

Pas takimit, trajneri Zekirija Ramadani është prononcuar për Art Sport, ku ka komentuar ndeshjen në përgjithësi.

“E para, unë mendoj që ndeshjet këtë sezon nuk jemi duke i nisur ashtu siç duhet, në çdo ndeshje përveç Feronikelit kemi pranuar gol. Disa të lehtë, disa përshkak të gabimeve tona, por i takon edhe merita kundërshtarëve për disa nga golat e shënuar”.

“1-1 rezultati më brengos, pasi kishim një skuadër që nuk ka objektiva të njëjta sikurse ne, të paktën nga ato që kanë deklaruar. Brenda 7 xhirove kemi 2 karton të kuq, kjo është e pafalshme. Unë vazhdoj të ia rikujtoj lojtarëve përpara çdo takimi, kujdes nga VAR-i”.

“Çdo stërvitje, ia përmendi punën e VAR-it. Duhet të kemi më shumë kujdes. Ne duhej të merrnim mësim nga ndeshja mes Gjilanit dhe Llapit. Çasja në ndeshje është me vonesë, jo vetëm me Ulpianën por edhe në të tjerat. Duhet të punojmë në këtë drejtim dhe në punën e VAR-it”.

“Besart Berisha do të na ndihmojë shumë në pjesën e mbetur të kampionatit, por do t’i ndihmojë gjithashtu të rinjtë e skuadrës që janë në pjesën ofanzive. Pas pauzës së kombëtareve, ai do ta marrë veten dhe pritet të luajë”, ka thënë për Art Sport trajneri i Prishtinës.

/Gazeta Olle/

Related posts

Qytetarët e Maqedonisë në celular bisedojnë mesatarisht 4 orë në muaj

Z.H

Milloshoski: Kemi komunikim me ASH-AAA për çështjen e koalicionit parazgjedhor

D V

Presidenti Ademi prezanton programin “Bashkë për Futbollin”

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More