Agjencia Zhurnal.mk.

Qiproja shpëton qindra migrantë të bllokuar në det

Autoritetet në Qipro kanë shpëtuar qindra migrantë mbrëmjen e së hënës dhe në orët e para të së martës. Migrantët ishin larguar nga Libani dhe ishin bllokuar në det në dy incidente të ndara, thanë zyrtarët.

 

Autoritetet përdorën mjete ajrore dhe lundruese për të shpëtuar migrantët rreth 203 kilometra në perëndim të ishullit të hënën, pas raportimeve se një anije me mbi 300 persona në bord, kishte vështirësi.

Edhe anijet komerciale u mobilizuan për të transferuar migrantët, tha Qendra e Përbashkët për Shpëtim e Qipros përmes një njoftimi për media.

Disa orë më vonë, një anije tjetër raportoi se ndodhet në vështirësi në jug të Qipros. Në bordin e saj gjendeshin 177 persona.

“Në anije kishte filluar të depërtonte uji dhe ata kërkuan ndihmë”, tha zëvendëskomandanti i Qendrës së Përbashkët për Shpëtim, Andreas Zacharia.

Ai tha se të gjithë migrantët janë dërguar në breg.

Autoritetet nuk treguan çfarë nacionaliteti kanë migrantët.

Megjithatë, Libani, prej nga ishte nisur anijet që po transportonin migrantët, është shndërruar në pikënisjen e rrugëtimit të shumë migrantëve që synojnë të arrijnë Evropën.

Related posts

Gjermani: Nënshkruhet marrëveshja e koalicionit qeveritar

Z.H

Mbrojtja ekologjike e ligatinave,kontribut me efekte pozitive mjedisore.

Redaksia

Që NATO të mbijetojë, Perëndimi duhet ta zhvendosë fokusin drejt Lindjes

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More