Shkup, 10 Tetor – Kryeministri Dimitar Kovaçevski në një emision në Tv24 tha se Qeveria ka marrë vendim dhe urdhëron ndërmarrjet publike, institucionet dhe agjencitë që të ulin shpenzimet.
Do të duhet të bëhet duke kursyer energjinë elektrike, por edhe duke ulur pagat.
Ka ndërmarrje publike në të cilat ka një numër të madh të të punësuarve.
Ata duhet të analizojnë nëse kanë nevojë për të gjithë njerëzit në çdo kohë apo nëse disa prej tyre mund të shkojnë me pushime, për të kursyer energji.
Do të rishikohen edhe kontratat e menaxhimit të ndërmarrjeve publike, sepse kemi vërejtur shuma shumë të mëdha, sidomos në kompanitë që janë me humbje, tha Kovaçevski.