Agjencia Zhurnal.mk.

Putin do të arratiset në Venezuelë nëse humbet luftën në Ukrainë

Presidenti rus, Vladimir Putin ka një plan arratisjeje në rast se Rusia humbet luftën që filloi në Ukrainë, tha të mërkurën një ish-shkrues i fjalimeve të shefit të Kremlinit.

Abbas Gallyamov, i cili është gjithashtu një analist politik, tha se një burim i besuar i tha atij se Kremlini, që nga pranvera, ka zhvilluar një plan rezervë për një disfatë të mundshme në Ukrainë, që përfshin Putinin dhe udhëheqjen e lartë që të arratisen në Venezuelë, shkruan newsweek.

“Zakonisht nuk ritregoj histori të brendshme, por sot do të bëj një përjashtim. Së pari, i besoj shumë burimit dhe së dyti, informacioni është shumë i sigurt”, shkroi Gallyamov në Telegram.

Sipas Gallyamov, projekti është quajtur jozyrtarisht “Arka e Noes”. Argjentina dhe Venezuela dyshohet se janë ndër opsionet kryesore për arratisjen e Putinit, por Kina u konsiderua në fazat e hershme të bisedimeve.

“Siç nënkupton emri [Arka e Noes], ka të bëjë me gjetjen e tokave të reja ku mund të shkoni në rast se bëhet krejtësisht e pakëndshme në atdheun tuaj”, shkroi Gallyamov. Bashkëpunëtorët e liderit nuk përjashton që ai të humbasë luftën, të humbasë pushtetin dhe të evakuohet urgjentisht.

Gallyamov, i cili jeton në mërgim në Izrael që nga viti 2018, tha se Yury Kurilin, nënkryetari dhe shefi i stafit të kompanisë ruse të energjisë Rosneft, është “njeriu në terren” që bën të gjitha aranzhimet për një evakuim potencial në Venezuelë.

“Në verë, ai dha dorëheqje zyrtarisht nga [Rosneft] dhe tani iu përkushtua tërësisht ‘Arkës së Noes’,” shkroi Gallyamov dhe shtoi se “Ai ka nënshtetësi amerikane dhe lidhje të mira. Ai u diplomua në Universitetin Hayward në Kaliforni [dhe] punoi në strukturat e BP, përfshirë në pozicionin e lartë të drejtorit të çështjeve të korporatave”.

Kujtojmë se Kurilin është ende i listuar si zëvendëspresident dhe shef i stafit të Rosneft.

“Për fat të keq, burimi im nuk di asnjë detaj tjetër, megjithatë, ajo që është thënë është e mjaftueshme për të kuptuar: kur ata [Rusia] thonë se “gjithçka po shkon sipas planit”, ka kuptim të sqarohet se cili plan. Ata duket se kanë më shumë se një plan”, përfundoi Gallyamov.

Related posts

Ford Mustang Hurst Edition i rrallë është një nga pesë kopjet e vetme

D V

Tesla tërheq 26,681 automjete në SHBA për shkak të softuerit për “shkrirjen” e xhamit të përparmë

D V

Dërgesat e para të furgonave të markës Arrival do të fillojnë të bëhen më vonë gjatë vitit

Lea Muslija

This website uses cookies to improve your experience. We'll assume you're ok with this, but you can opt-out if you wish. Accept Read More