Shkup, 25 tetor – Prokuroria themelore publike Gostivar ka ngritur propozim akuzë kundër një banori 28-vjeçar nga fshati Forinë, i cili ngarkohet se gjatë dhunës familjare, ka kryer vepër të rëndë penale “lëndime të rënda” nga neni 131 paragrafi 2, lidhur me nenin 1 nga Kodi penal.
“Më 28 shtator, në fshatin Dobridoll, gjatë dhunës familjare, i akuzuari rëndë e ka lënduar ish të fejuarën e tij. Ai e ka pritur të dëmtuarën në rrugën e saj për në shtëpi, e ka kapur për dorën e djathtë dhe e ka futur në automobilin e tij. Gruaja u rrëzua, pas çka i akuzuari ka filluar ta godas me grushta në fytyrë dhe trup, duke i shkaktuar lëndime të rënda”, thuhet në kumtesën e PTHP-së.
