Kampioni në fuqi i Kosovës do të përballet me kampionët e Uellsit, Connahs Q, që edhe ata u eliminuan nga rrethi i parë i ‘Championsit’.
Ndeshja e parë do të zhvillohet ditën e martë, ku Prishtina do të jetë nikoqire e skuadrës uellsiane në stadiumin ‘Fadil Vokrri’.
Kryeqytetasit këtë takim do ta zhvillojnë me praninë e tifozëve, ku lejohet 30 për qind e kapacitetit të stadiumit të mbushet.
Tanimë janë publikuar edhe çmimet e biletave të cilat do të dalin në shitje ditën e hënë.
Të gjithë të interesuarit për të blerë një biletë atë duhet ta bëjnë me një ID (letërnjoftim).
Biletat fillojnë nga 3 euro për tribunat prapa golave në Jug dhe Veri, derisa në Lindje kushtojnë 5 euro.
Çmimi më i lartë i biletave ndodhet për në perëndim, ku kushdo që dëshiron një biletë në atë pjesë të tribunës duhet të paguajë 10 euro.
/Gazeta Olle/
