Kampioni në fuqi i Kosovës ka arritur tanimë në shtetin norvegjez një ditë para përballjes me Bodo/Glimt.
Kryeqytetasit kosovarë kanë për qëllim të kalojnë në fazën e ‘Play-Off’ të Uefa Conference League.
Skuadra e trajnerit Zekirija Ramadani ka triumfuar në ndeshjen e parë me rezultat 2-1.
Për të kaluar tutje, prishtinasit duhet të mos humbasin ndaj kampionëve të Norvegjisë.
Prishtina përmes një postimi në Facebook ka bërë të ditur se skuadra ka mbërritur në Norvegji.
“Ekspedita e FC Prishtina sapo ka mbërritur në Bodø,Norvegji”, ka shkruar faqja zyrtare e klubit bardhekaltër.
/Gazeta Olle/
