Agjencia Zhurnal.mk.

Presidenti Pendarovski u takua me eurodeputeten Garsia Perez

Shkup, 15 nëntor – Rrjedha e integrimeve evropiane të Maqedonisë së Veriut, procesi i skriningut dhe përshtatja e Maqedonisë me legjislacionin evropian, ishin temat e bisedës në takimin e sotëm të presidentit Stevo Pendarovski me eurodeputeten dhe lideren e Aleancës progresive të socialdemokratëve në Parlamentin Evropian, Iraçe Garsia Perez.

 

Në këtë drejtim, siç informojnë nga kabineti i Pendarovskit, është biseduar për ritmin e proceseve reformuese dhe për gjendjen aktuale politike në vend.

Bashkëbiseduesit shkëmbyen mendime për rrethanat më të fundit të sigurisë dhe ekonomike në Evropë, për zhvillimet në Union, si dhe për prioritetet dhe synimet e Aleancës Progresive, për të cilat ata përfaqësojnë në Parlamentin Evropian.

Presidenti Pendarovski, siç thuhet në njoftim, falënderoi socialdemokratët evropianë për mbështetjen e vazhdueshme për integrimin e Maqedonisë së Veriut, të konfirmuar në rezolutat e Parlamentit Evropian, duke shtuar se bashkëpunimi parlamentar është jashtëzakonisht i rëndësishëm dhe i domosdoshëm në procesin e anëtarësimit të Maqedonisë së Veriut në Union.

Eurodeputetja Garsia Perez është pritur më parë edhe nga kryeministri Dimitar Kovaçevski.

Related posts

Për tre muaj, 521 divorce

Xh M

Padi penale kundër 32 vjeçarit nga Studeniçani, i punësuar në Drejtorinë e Librave Amë

Z.H

Spitali i Tetovës prej sot me drejtor të ri

D V

This website uses cookies to improve your experience. We'll assume you're ok with this, but you can opt-out if you wish. Accept Read More