Agjencia Zhurnal.mk.

Presidenti Pendarovski u takua me deputetë të Parlamentit Evropian

Shkup, 22 shtator – Presidenti Stevo Pendarovski sot i priti eurodeputetët Tineke Strik dhe Rajnhard Butikofer, përfaqësues të Të gjelbërve/Grupi i Aleancës së Lirë Evropiane nga Parlamenti Evropian.

 

Në takim, siç bëri të ditur Kabineti i presidentit Pendarovski, ishte biseduar për rrjedhën e eurointegrimeve të Maqedonisë së Veriut nga aspekti i procesit të skriningut, aktivitetet reformuese të cilat i ndërmerr vendi dhe përshtatjen me legjislacionin evropian, si dhe për ngjarjet aktuale në Bashkimin Evropian.

Presidenti Pendarovski theksoi se është e nevojshme t’i kushtohet rëndësi e veçantë reformave në sferën e gjyqësorit, luftës kundër korrupsionit dhe krimit të organizuar dhe shprehu bindje se institucionet evropiane do të japin mbështetje maksimale dhe do ta përshpejtojnë procesin e anëtarësimit të Maqedonisë së Veriut me çka do të mundësohet që vendi t’i ndjejë përfitimet konkrete gjatë bisedimeve.

Në takim me eurodeputetët, presidenti Pendarovski u falënderua për mbështetjen e deritanishme nga Të gjelbrit/Grupi i Aleancës së Lirë Evropiane dhe theksoi se vendi është i hapur për bashkëpunim të mëtutjeshëm.

Related posts

Mariçiq: Duhet të qëndrojmë të fokusuar në nevojën për një tranzicion energjetik

Z.H

PDSH zgjodhi drejtuesit e departamenteve

Xh M

Shkup: Opozita akuzon pushtetin për presion ndaj votuesve

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More