Agjencia Zhurnal.mk.

Polonia do të ndërtojë mur në kufi me Bjellorusinë

Parlamenti i Polonisë votoi të premten për ndërtimin e një muri në kufi me Bjellorusinë, për të bllokuar fluksin e migrantëve që hyjnë ilegalisht në Poloni.

 

Mijëra njerëz – kryesisht nga Lindja e Mesme dhe Azia – kanë bërë përpjekje për të kaluar kufirin e Polonisë, muajve të fundit.

Bashkimi Evropian e akuzon Qeverinë e Bjellorusisë për nxitjen e fluksit, si hakmarrje për sanksionet që ka ndërmarrë BE-ja kundër regjimit bjellorus.

Muri prej 5.5 metrash do të kushtojë 353 milionë euro.

Legjislacioni tani do t’i kalojë presidentit të Polonisë, Andrzej Duda, i cili pritet ta nënshkruajë atë.

Muri – i pajisur me sensorë dhe sisteme monitorimi – do të mbulojë rreth gjysmën e kufirit të Polonisë me Bjellorusinë, i cili ka një gjatësi prej 400 kilometrash.

Qeveria planifikon ta ndërtojë atë deri në verën e ardhshme.

Polonia thotë se aktualisht rreth 500 njerëz në ditë bëjnë përpjekje të kalojnë ilegalisht në territorin e saj nga Bjellorusia.

BE-ja thotë se Bjellorusia e lehtëson kalimin e migrantëve në shtetet fqinje të BE-së, në përgjigje të sanksioneve.

Blloku evropian ka sanksionuar regjimin bjellorus për shkak të shtypjes së opozitës.

Related posts

Kërkohen masa nga NATO për krizën me emigrantë në kufirin Bjellorusi-Poloni

D V

Izraeli synon t’i zvogëlojë 85% të emetimeve të karbonit

D V

Shkon në 46 numri i të vdekurve shkaku i përmbytjeve në SHBA

D V

This website uses cookies to improve your experience. We'll assume you're ok with this, but you can opt-out if you wish. Accept Read More