Mbrëmjen e sotme një shofer është kapur nga policia duke tejkaluar me automjetin e tij në vijë të plotë në një rrugë në rajonin e Ferizajt.
Në njoftimin e Policisë thuhet se policët nga Njësia Rajonale e Komunikacionit Rrugor të Ferizajt, kanë marr veprimet e nevojshme policore dhe kanë ndaluar personin, i cili me automjetin e tij të udhëtarëve shkaktoi kundërvajtje në komunikacion “Tejkalim në vijë të plotë” .
“Në lidhje me këtë ndaj shoferit u shqiptua një gjobë sipas Ligjit të komunikacionit rrugor”, thuhet në njoftim, përcjell Telegrafi.
Me këtë rast, Drejtoria Rajonale e Policisë në Ferizaj, apelon te shoferët e automjeteve që të respektojnë shenjat dhe rregullat e komunikacionit dhe fton qytetarët të bashkëpunojnë me policinë, për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë: 192 ,0290/326-250 & 0290/322-406.
Të dhënat e juaja do të ruhen në konfidencialitet të plotë.
