Agjencia Zhurnal.mk.

Pikë e re kufitare, lidhja hekurudhore Shkup – Durrës dhe krijimi i “portit të thatë” në Strugë, Grubi propozoi tre konkluzione

Shkup, 14 nëntor – Zëvendës kryeministri Artan Grubi, në mbledhjen e sotme ndërqeveritare mes Maqedonisë së Veriut dhe Shqipërisë propozoi tre konkluzione shtesë, për të cilat tha se shpreson që të miratohen në mbledhjet e ardhshme mes dy Qeverive. Grubi propozoi hapjen e një pike të re kufitare, e cila do të mundësonte lidhje më efikase në lidhjen e autostradave të dy vendeve në Korridorin 8, ku punët pritet të fillojnë në mars të vitit 2023.

 

“Me shpresë që do të bëhet një vendkalim tjetër, jo në Qafë Thanë , por pak më poshtë, i ri mes dy vendeve tona, që do të ulte koston me dhjetëra milionë euro të ndërtimit të autostradës”, tha Grubi.

Ai propozoi zhvillimin e projektit për lidhjen hekurudhore Shkup-Durrës, respektivisht infrastrukturën hekurudhore të Korridorit 8.

“Te ne duhet të modernizohet lidhja ekzistuese hekurudhore Kumanovë-Shkup-Kërçovë dhe të përfundojë ndërtimi i pjesës nga Kërçova deri në kufirin me Republikën e Shqipërisë, me gjatësi 63km si dhe nga Kumanova për në Bullgari në gjatësi prej 89km”, shtoi Grubi.

Ai gjithashtu propozoi që të krijohet i ashtuquajturi “porti i thatë” në Strugë, që fillimisht ka qenë ide e kryeministrit Rama. Grubi tha kjo nënkupton krijimin e një pike logjistike për transportin e mallrave që vijnë nga Porto Romano në Durrës.

“Këtu dua të falënderojë kryeministrin Rama i cili na mundësoi qasjen e një vendi pa det në Portin e Durrësit, dhe vetëm në këtë mënyrë zhvillohen marrëdhëniet vëllazërore dhe të afërta mes nesh”, pohoi mes tjerash Grubi.

Related posts

Izet Mexhiti: Dikur në Shkup në gishta numëroheshin studentë në shkollë të mesme, ndërsa sot Çairi me shumë doktorantë, e profesorë

Redaksia

Moti sot i ndryshueshëm

Z.H

Çairi edhe me dy hapësira të reja parkimi

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More