Ish-marinsi amerikan Victor Vescovo, është bërë personi i parë që ka arritur në fund të katër oqeaneve më të thella.
Vescovo, 55-vjeç, gjatë javës së kaluar arriti me nëndetëse deri në fund të Kermadekut në jug të Paqësorit, dhe kështu arriti njëherit qëllimin e tij që të zhytet në katër pikat më të thella në botë.
Ekspedita në fund të Kermedekut zgjati nëntë orë, e Vescovo zbriti në një thellësi prej 10.0003 metra ku kamerat e nëndetëses filmuan krijesa të rralla.
“Deri te kjo ekspeditë, askush nuk e ka ditur sesi duket fundi i Kermadekut dhe sa i thellë ishte. Nëse kini parasysh kushtet – mbi 7 tonelata presion për metër katror, temperaturat e akullta të ujit, thjesht është e pamundur që në këto thellësi të ketë jetë”, tha Vescovo për Times.
Vescovo arriti në fund të katër pikave më të thella në tokë. Vizitoi disa herë Challenger Deep, pikën më të thellë në tokë (10.925 metra).
Në qershor të vitit 2019, arriti në fund të Horizon Deep të Tongos na Paqësor, që gjendet në një thellësi prej 10.817 metra.
Me oqeanografin Deo Florence Ondo u lëshua në Amden Deep në Filipine (pika e tretë më e thellë botë me 10.045 metra) në mars të këtij viti. Kiril-Kamchatka në veriperëndim të Paqësorit është pika e katërt më e thellë në botë.
