Agjencia Zhurnal.mk.

Përmirësim i konsiderueshëm i situatës nga reshjet në Shkodër e Lezhë

Ministria e Mbrojtjes njoftoi sot se, sipas të dhënave të fundit nga Qendra Kombëtare Operacionale e Emergjencave Civile në Agjencinë e Mbrojtjes Civile, ka një përmirësim të konsiderueshëm të situatës së krijuar si pasojë e reshjeve në vend, veçanërisht në dy qarqet më problematike, Shkodër dhe Lezhë.

 

Në informacionin për situatën e krijuar nga reshjet në vend, MM bëri të ditur se uji është tërhequr nga rruga nacionale, te ura e re e Bahçallëkut dhe pranë Harkut të Bërdicës, duke lejuar qarkullimin e lirë të automjeteve.

Ka prani uji në rreth 4356 ha sipërfaqe, ku tërheqja bëhet më ngadalë, por situata po monitorohet me vëmendje.

Forcat e Armatosura dhe të emergjencave civile kanë ndihmuar në evakuimin e rreth 318 banorëve në qarkun e Shkodrës, të cilat janë strehuar në konvikte apo pranë të afërmve të tyre. Po ashtu janë evakuuar edhe 57 krerë bagëti.

Përmirësim të konsiderueshëm ka edhe situata në Lezhë, por orët në vijim mbeten sërish kritike, bazuar në parashikimet e motit për shtim të reshjeve të shiut.

Në bashkinë Lezhë zonat më të prekura janë njësitë Dajç, Blinisht, Balldren, ku po punohet për largimin e ujit nga 24 banesa.

Në monitorim është edhe situata sa i përket nivelit të lumenjve, veçanërisht lumenjve Drin, Gjadër dhe Erzen.

E normalizuar paraqitet situata në Durrës, Kukës, Dibër.

Forcat e Armatosura janë në gatishmëri të plotë për çdo nevojë të banorëve të këtyre zonave dhe do të qëndrojnë në terren edhe gjatë orëve të natës.

Related posts

Rikthehen reshjet e dëborës/ ARRSH: Qytetarët që do lëvizin këtë fundjavë drejt destinacioneve turistike të kenë kujdes

Lea Muslija

Transferohet shërbimi i urgjencës kirurgjikale nga QSUT, në spitalet universitare të Traumës dhe ‘Shefqet Ndroqi’, i hapet rrugë investimit madhor në Spitalin Infektiv

D V

Shifrat e COVID në Shqipëri, bie numri i infektimeve, por raportohen 5 viktima

D V

This website uses cookies to improve your experience. We'll assume you're ok with this, but you can opt-out if you wish. Accept Read More