Agjencia Zhurnal.mk.

Përmetari endacak

Nga Mitro Çela

 

Berberi im quhet Julian.

Zura vend në kolltuk. Ai me gërshërë në dorë.

-Ke ndonjë model për tu qethur?

Unë:-Me mëshirë.

-Nuk e kam në “meny”?

Unë:-Perëndia më ka qethur me gërshërë të madhe.

Ti përdor gërshërën e vogël.

-Nga je?

-Nga Buali. Përmet.

Unë:-Kam qënë në Bual. Ka një kishë të lashtë dhe një muze të pasur.

-Pse të ra rruga në Bual?

Unë:-Doja të bëhesha deputet në Përmet.

Humba. Bile nuk ma dha votën as fshati im.

Thanë me ironi:

“Do të bëhet deputet djali i Pilos, që e ka braktisur fshatin që “kërthi”.

Ai:-Normale. Nuk bëhet njeriu Profet në vendin e vet.

-Nga cila familje je?

Ai:-Mbiemrin e kam Xherau?
Nuk e di kuptimin e fjalës?

Unë-Të pyes Fonin? Atë e kemi si tip fillozofi.

-Alo…Xherau…është mjek popullor. Bën edhe fëmijët synet…

Buali është fshat ortodoks.

Me suguri brisku për të bërë synet ka mbetur në kasafortë.

Ai:-Në Dhjatën e Vjetër shkruhet: Jezu Krishti është bërë synet…

Unë:-Jezu Krishti është Mesi për kristianët.

Por ai ka qënë hebre. Dhe hebrejtë bëhen synet.

Ai:-Edhe Krishti na doli hebre?

Unë:- Jo vetëm Krishti por edhe Mosiu. Karl Marksi. Ajshtani. Frojdi.

Ai:-Sot myslymanët fëmijët i bëjnë synet tek doktori, në klinikë.

Synetllëku është “sport” i bukur. Por kujdes- të shkau pak brisku…dhe…vdes burrëria që fëmijë?!

Unë:-Ku e ke mësuar zanatin e berberit?

Ai:-Mos më ofendo.
Jam parukier.

-Ka ndryshim?

-Si nata me ditën.

Unë:-Kë ke qethur për herë të parë?

Ai:-Shokët në fshat. Kur mbusha 17 vjeç, fshati ishte i vogël për zanatin që ëndëroja.

Pa vizë. Mora rrugët. Arrita në Igumenicë.

Hipa në traget. Mbrita në Brindizi.

Unë:-Pse nuk qëndrove në Greqi?

-Në ato vite nuk ngeli katundar dhe malok nga Shqipëria pa pushtuar Greqinë.

Të varfër. Të uritur. Të pa larë. Por të lirë dhe:

Vodhën- Shtëpi. Dyqane. Kisha. Manastire.
Përdhunuan-Vajza. Djem. Gra.
Dogjën. Rrahën.
Dhe greku u vuri “fshesën”.

U deshën mbi 10 vjet, që emigrantët shqiptarë, greku ti vlerësojë si të nevojshëm për vendin. E di pse? Sepse greku është bërë shterpë?! Do fuqi punëtore.

-Në Itali të pritën me krahë hapur?

Ai:-Në Itali më keq. Shqiptarët u cilësuan kriminelë.

Edhe kur vidhnin e vrisnin rumunët, arabët, indianët shtypi shkruante: i kanë bërë shqiptarët?!

Unë:-E braktise Italinë?

Ai:-Po. Kalova nëpër Zvicër. Francë. Përfundova në Londër.

Anglinë e ka bekuar perëndia.

Ka qënë perandori.

Rrugëve sheh zezakë. Indianë. Kinezë. Turq. Kozakë. Rus. Jetojnë së bashku.

Nisa punë në një parukeri. Çirak sa mësova huqet e djemëve dhe nazet e çupave.

Punova katër vjet.

Unë:-E braktise edhe Anglinë?

Ai:-Jo. U largova. Më ftoi një mik në Australi.

Ndënja pesë vite. Punova edhe në Singapor dhe Tajlandë.

Vende të mira për të punuar dhe jetuar.

Por shumë larg familjes. Në Bual kisha prindërit.

U ktheva në Angli. Aty kam edhe motrën.

U martova me një angleze.

Mora pashaportën angleze.

Bëmë një vajzë. Dy vjet të lumtur. Pastaj gër-mër.

Përfunduam në gjykakatë. Divorc.

Vajzën gjykata ma la mua, duke patur garant motrën. Gruaja hoqi dorë nga vajza me dëshirë.

-Pse u ktheve në Shqopëri? Mëri me gruan?

-Jo. Mbaj mardhënie të mira. Është mamaja e vajzës.

Mora prindërit nga Buali. U vendosëm në Golem.
Vajza në klasë të parë.

Klientët i kam në Tiranë.

Çdo natë kthehem në Golem.

Rrugën jo rrallë e bëj me biçikletë…

4.10.2022

Related posts

Arsovska dhe Shilegovi në kandarin e shqiptarit!

I Z

MPJ e Shqipërisë dhe “çështja e Kosovës”: Lapsus apo intrigë?

D V

Nga çfarë ka frikë Putin?

D V

This website uses cookies to improve your experience. We'll assume you're ok with this, but you can opt-out if you wish. Accept Read More