Agjencia Zhurnal.mk.

Përfundoi thirrja për subvencione të trotinetëve, vazhdon për biçikleta

Shkup, 14 shtator – Qyteti i Shkupit njofton se ka përfunduar thirrja publike për subvencione për trotinete elektrike, ndërsa vijon aplikimi për subvencione për qytetarët për blerjen e biçikletave.

 

Për trotinetet elektrike, mjetet të cilat i subvencionon Qyteti i Shkupit janë në vlerën 30 për qind të vlerës së një trotineti, por jo më shumë se 8.000,00 denarë për person, përfshirë tatimin mbi të ardhurat personale.

Në vijim është thirrja publike për subvencione për qytetarët për blerjen e biçikletave. Mjetet që Qyteti i Shkupit i subvencionon për biçikleta janë në vlerën 50 për qind të vlerës së biçikletës, por jo më shumë se 4.000,00 denarë për person, përfshirë tatimin mbi të ardhurat personale.

Siç njofton Qyteti i Shkupit, qëllimi i thirrjeve publike është përmirësimi i cilësisë së mjedisit, përkatësisht përmirësimi i cilësisë së ajrit në qytetin e Shkupit dhe përmirësimi i shëndetit të njerëzve, nëpërmjet stimulimit të qytetarëve të qytetit të Shkupit që të përdorin biçikleta dhe trotinete elektrike, gjë me të cilën do të zvogëlohet ndotja e shkaktuar nga trafiku.

Në seancën e fundit të Këshillit të Qytetit të Shkupit u miratua vendim për subvencionimin e të rinjve, për blerjen e trotineteve elektrike dhe biçikletave. Me vendimin për herë të parë parashikohen subvencione për të rinjtë deri në moshën 29 vjeç, të cilët janë banorë të Qytetit të Shkupit.

Related posts

Kasami: Tetova pjesë e grantit 10 milion eurosh për stacionimin e filtrave të ajrit

Z.H

BDI dhe LSDM a po fyejnë qytetarët nga ikja e përgjegjësisë?

I.A

“Ka zgjidhje” fushatë e Ministrisë së Drejtësisë për promovimin e ndërmjetësimit si një mënyrë alternative për zgjidhjen e mosmarrëveshjeve

D V

This website uses cookies to improve your experience. We'll assume you're ok with this, but you can opt-out if you wish. Accept Read More