Agjencia Zhurnal.mk.

PD do ndryshojë statutin/ Zbardhen propozimet e kryetarit, Lulzim Basha

Lulzim Basha kërkon që statuti i ri të vazhdojë të mos jetë pengesë për rikandidimin e tij në krye të PD edhe nëse ai humbet sërish zgjedhjet parlamentare.

 

Në asnjë prej 15 faqeve te propozimeve të kryedemokratit nuk parashikohet dorëheqja e tij si kryetar në rast disfate elektorale.

Lidershipi demokrat i kufizon vetes kompetencat për përzgjedhjen e kryebashkiakëve duke sanksionuar detyrimin e konsultimit me anëtarësinë për kandidatët për pushtetin vendor, të cilët propozohen më pas nga kryetari dhe marrin miratimin e forumeve te larta të partisë.Ndryshimet statutore të Lulzim Bashës prekin përbërjen e disa forumeve më të larta të partisë si këshilli kombëtar apo Kryesia e cila zgjerohet sërish duke përfshirë si anëtarë të saj për shkak të funksionit, kryetarin e Këshillit Kombëtar, si edhe kryetarët e Bordit Financiar, Komisionit Zgjedhor dhe atij të Apelimit , integritetit dhe Etikes.

Kryesia e partisë mund të ndërhyjë në refuzimin e kandidaturave të përzgjedhura nga organet vendore të partisë, por nga ana tjetër i kufizohen kompetencat pasi i hiqet e drejta për miratimin e marrëveshje politike, duka ia lënë vulën finale vetëm Këshillit Kombëtar.

Ndryshe nga sa është sanksionuar në statutin e vjetër, kryetari i Këshillit Kombëtar propozohet të zgjidhet mes të paktën dy kandidaturave alternative.

Ajo që bie ne sy e statutin e vjetër është që Këshilli Kombëtar , me propozim të Kryesisë ose Kryetarit , zgjedh dhe shkarkon, me votim të fshehtë: Kreun e Këshillit ; Sekretarin e Përgjithshëm; Nënkryetarët dhe Anëtarët e Kryesisë ndërkohë në ndryshimet e propozuara nuk përcaktohet mënyra e votimit.

Numri për zëvendësit e kryetarit demokrat nuk është i përcaktuar sërish, por ndryshe nga statuti i vjetër hiqet detyrimi që kreu i grupit parlamentar të jetë njëherësh edhe nënkryetar.

Related posts

Ish-ministri i Shëndetësisë, apel qeverisë: Ndërprisni imunizimin

R Zh

Situata e zjarreve në vend, zv.ministrja e Mbrojtjes nga Ksamili: Para përgjegjësisë penale të gjithë ata që dëmtojnë natyrën

D V

Shqiptarja fiton çmimin prestigjioz të Fondacionit “Louis Vuitton” për stilistët e rinj, Rama: Çfarë krenarie!

D V

This website uses cookies to improve your experience. We'll assume you're ok with this, but you can opt-out if you wish. Accept Read More