Partia Demokratike ka ankimuar në KAS vendimin e kryekomisionerit Ilirjan Celibashi për regjistrimin e koalicionit “Bashkë Fitojmë”, mes PL, PDK dhe PBDNJ.
Në ankimimin e saj, përfaqësuesi ligjor i PD , Indrit Sefa shprehët se ky koalicion është në kushtet e paligjshmërisë pasi në kërkesë ishte edhe Partia Demokratike e Shqipërisë, pa autorizimin e kryetarit dhe përfaqësuesit ligjor të saj.
Edhe pse PD u hoq nga lista e koalicionit nga Celibashi, Sefa shkruan se problem mbetet përdorimi i logos së PD nga disa kandidatë që cilësojnë veten si pjesë e “Rithemelimit”, duke krijuar konfuzion te votuesit.
