Agjencia Zhurnal.mk.

Patricija Di Xhovani: T’i respektojmë të drejtat e fëmijëve, të kenë arsim cilësor dhe inkluziv

Shkup, 21 nëntor – Çdo fëmijë ka të drejtë në qasje të barabartë në arsim cilësor. Duhet ta shmangim diskriminimin dhe të krijojmë një botë gjithëpërfshirëse për çdo fëmijë, tha sot në fjalimin e saj përfaqësuesja e UNICEF-it Patricia Di Xhovani me rastin e Ditës botërore të fëmijëve, e cila u shënua nën moton “Kur bëhet fjalë për të drejtat e fëmijëve, të gjithë jemi një ekip”, në organizim të Fondit të fëmijëve pranë Kombeve të Bashkuara (UNICEF) dhe Federatës së futbollit të Maqedonisë (FFM).

 

Në shënimin e Ditës botërore të fëmijëve morën pjesë edhe kryeministri Dimitar Kovaçevski dhe drejtori i FFM-së, Deni Masev.

Sipas Patricia Di Xhiovani, këtë vit Dita botërore e fëmijëve mbahet në të njëjtën ditë me fillimin e Kampionatit Botëror FIFA, duke krijuar një mundësi unike për të përdorur fuqinë e futbollit për të bashkuar të gjithë botën dhe për të kujtuar se kur bëhet fjalë për të drejtat e fëmijëve – mund të ketë vetëm një ekip.

“Mesazhin që do ta dërgojnë futbollistët tanë është një kujtesë për secilin prej nesh që të respektojmë të drejtat e fëmijëve, t’u japim mundësi të barabarta të gjithë fëmijëve, arsim cilësor dhe gjithëpërfshirës, ​​jetë në një mjedis të shëndetshëm dhe shëndet të mirë mendor”, tha Patricia Di Xhovani.

Përveç qasjes së barabartë në arsim, siç përmendi ai, çdo fëmijë ka të drejtë në kujdes të barabartë shëndetësor.

Drejtori i FFM-së, Deni Masev, tha se pavarësisht se cilin shtet e mbështesim në Kampionatin Botëror, kur bëhet fjalë për të drejtat e fëmijëve, të gjithë jemi në të njëjtin ekip. Çdo fëmijë meriton të ndihet i sigurt, i mbrojtur dhe i respektuar.

Kryeministri Kovaçevski theksoi se shënimi i kësaj dite është një mundësi për të vazhduar përmirësimin e statusit të fëmijëve në shoqërinë tonë.

“Në këtë ditë kujtojmë se cilat janë prioritetet tona, ku duhet ta drejtojmë shikimin, çka duam të arrijmë për të siguruar një fëmijëri të pakujdesshme, si dhe një të ardhme më të mirë dhe mundësi zhvillimi. Kjo ditë na kujton detyrimet që ne si shoqëri kemi ndaj fëmijëve tanë, veçanërisht ndaj atyre që kanë qëndrim shumë të ndjeshëm”, porositi kryeministri.

Related posts

Ngrohtoret dhe rrjeti distributiv janë 100 për qind funksionale

Xh M

LSDM: 50 milionë euro për prodhim të energjisë elektrike

Xh M

Alabakovski lirohet nga arresti i shtëpisë, i merret pasaporta si masë kujdesi

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More