Agjencia Zhurnal.mk.

Pasojat e COVID-19 në Indi, kufomat dalin mbi sipërfaqen e ujit – ato ishin varrosur përgjatë bregut të liqenit Gang

Të mbuluar pjesërisht nga bari, trupat e pajetë të mbështjellë me çarçafë të verdhë po lundrojnë nëpër liqenin Gang, si një kujtesë sesa vdekjeprurëse ishte vala e coronavirusit që stërmbushi spitalet dhe morgjet nëpër Indi.

 

Familjet në veri dhe lindje të Indisë kanë lëshuar trupat e pajetë të më të dashurve në liqen, e disa i kanë varrosur përgjatë bregut pasi që nuk kanë mundur të mbulojnë shpenzimet në pikun e epidemisë gjatë prillit dhe majit, transmeton Telegrafi.

Megjithatë, reshjet e shpeshta të shiut kanë bërë që niveli i ujit të rritet dhe trupat e varrosura përgjatë brigjeve në Ganga të dalin mbi sipërfaqen e ujit.

Zyrtarët në Alahabad, një prej vendeve më të shenjta të hinduizmit, thonë se gjatë tre muajve të fundit afro 150 kufoma kanë pluskuar duke dalë mbi sipërfaqen e ujit.

E kur ekipi i France Press vizitoi këtë rajon, hasën në dhjetëra kufoma pjesërisht të mbuluara në ujë. Zyrtarët vlerësojnë se 600 kufoma tjera janë varrosur përgjatë brigjeve të Gangut në Alahabad në pikun e pandemisë së coronavirusit.

Por ekziston frika se numri i të vdekurve në Indi mund të jetë shumë më i madh, më i madh se 360.000 të regjistruar – në afro dy milion dhe se shirat e rrëmbyeshëm shumë shpejtë do të nxjerrin mbi sipërfaqe të ujit shumë kufoma tjera.

Related posts

Gjermania ka një kompjuter kuantik, Merkel e quan atë një “mrekulli”

Redaksia

U kap duke u puthur me ndihmësen e tij dhe u akuzua për shkeljen e masave – jep dorëheqje sekretari britanik i Shëndetësisë

Redaksia

Gjermania rrit prezencën ushtarake në Ballkan, së shpejti ushtarë edhe në Bosnjë e Hercegovinë

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More