Agjencia Zhurnal.mk.

Pasaportat e arta përdoren nga persona me rekorde kriminale!?

Shkup, 16 Nëntor – Dhënia e shtetësisë maqedonase një oligarku ukrainas me emrin Oleksandr Onyshenko, pjesë e listës së zezë të SHBA-së dhe i përfshirë në afera korrupsioni në Ukrainë, po shkakton debat të madh në Maqedoninë e Veriut.

 

Popullata, opozita, mediat por kërkojnë përgjigje se si një person me një dosje të tillë ka arritur të kalojë filtrat e sigurisë kombëtare të vendit që janë parakusht për dhënien e shtetësisë.

“Kryetari i Agjencisë së Sigurisë Kombëtare Viktor Dimovski deri tani ka zgjedhur të heshtë. Ai është ftuar të premten në seancën e Komisionit parlamentar për mbikëqyrjen e punës së Agjencisë për të raportuar se mbi çfarë baze ka dhënë mendim pozitiv për Onyshenkon”- thotë Ferikan Iljazi Arifi.

Kryeministri Dimitar Kovaçevski nënshkrimi i të cilit qëndron në vendimin për dhënien e shtetësisë, tha të dielën se Qeveria maqedonase do të kërkojë nga institucionet llogari ditëve në vazhdim.

Eksperti i sigurisë Bashkim Selmani frikësohet se ky rast është dëshmi për elementë pro ruse brenda institucioneve të Maqedonisë së Veriut.

“Kjo rast hedh dilema për ndikime ruse në Maqedoninë e Veriut. Dhënia e shtetësisë oligarkut, pa një hulumtim paraprak mbi të kaluarën e tij të dyshuar, konfirmon mundësinë që brenda institucioneve të Maqedonisë së Veriut mund të ketë elementë por ruse që cenon imazhin e saj dhe ndikon në humbjen e besueshmërisë nga aleatët e saj”- shprehet Bashkim Selmani, ekspert sigurie.

Sipas të dhënave nga Ministria e Punëve të Brendshme, nga viti 2005 kur është sjellë dekreti i posaçëm për dhënien e shtetësisë personave me interes ekonomik, kulturor, apo sportiv e shkencor, shtetësi të Maqedonisë së Veriut kanë marrë 279 persona. Ndërsa në mënyrë shtesë, këtë vit katër persona kanë marrë shtetësi për kontribut të veçantë në sport, kulturë, shkencë.

Së fundmi opozita maqedonase VMRO DPMNE denoncoi për dy shtetësi që u janë dhënë narko-mafiozëve Sedat Peker dhe Jovan Vukotiç të cilët kishin shfrytëzuar pasaportat maqedonase për të lëvizur nga shteti në shtet, për të kryer aktivitete kriminale. Kjo ngriti dyshime nëse pasaportat maqedonase po shiten për shuma të majme për kriminelë që ikin drejtësisë se shteteve të ndryshme.

Related posts

Seanca të dy komisioneve kuvendore

Z.H

Moti sot i ngrohtë me temperatuar deri 38 gradë

Z.H

Ndërmarrjet komunale do t’i ndryshojnë çmimet e shërbimeve nëse nuk marrin ndihmë nga Qeveria

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More