Agjencia Zhurnal.mk.

Pas faqes së MASH, edhe ministria e Bujqësisë cak i hakerëve

Shkup, 17 Shtator – Të hënën Ministria e Bujqësisë njoftoi se sistemi i tyre elektronik ka qenë cak i sulmit kibernetik që ka shkaktuar bllokimin e procesit të rregullt të punës.

 

MPB-ja ka hapur hetime. Ueb-faqja e Ministrisë ende nuk është në funksion.

Nga Ministria e Bujqësisë kanë thënë se sulmi është denoncuar në MPB kurse për shkak të seriozitetit të problemit sistemet e Ministrisë nuk janë në funksion.

Punonjësit në sektorin për teknologji informatike pranë kësaj Ministrise janë duke punuar në mënjanimin e problemit dhe ringritjen e sistemit.

Por, ekziston frika se nga sulmi kibernetik mund të fshihen të dhënat për subvencionet e papaguara të bujqëve që kapin shumën e rreth 530 milionë eurove.

Sektori për Krim Kompjuterik në MPB është duke vepruar pas denoncimit të Ministrisë së Bujqësisë. Portali mkd.mk ka njoftuar se bëhet fjalë për sulm ransomver, që shpeshherë nënkupton edhe kërkesa shantazhimi.

Është ky sulmi i dytë kibernetik për një kohë të shkurtër në një institucion shtetëror.

Më 10 Shtator cak i sulmeve kibernetike nga një grup hakerësh grek ishte Ministria e Arsimit.

Maqedonia e Veriut, pas Malit të Zi dhe Shqipërisë, bëhet vendi i tretë nga rajoni I NATO-s që goditet nga sulmet kibernetike. 

Related posts

Bazdnikin: Zgjidhja për Kosovën duhet të kërkohet në kuadër të Rezolutës 1244 të KB-së

Xh M

BESA themeloi nëndegën në Çellopek

D V

Dhoma e Mjekëve apelon qytetarët të denoncojnë mjekët që janë kundër vaksinimit

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More