Agjencia Zhurnal.mk.

“Partneritet për vetëqeverisje të qëndrueshme lokale” – Forum vjetor për vetëqeverisje lokale

Shkup, 2 nëntor – “Partneritet për vetëqeverisje të qëndrueshme lokale” titullohet Forumi i dytë vjetor për vetëqeverisjen lokale i cili do të mbahet sot në Shkup në kuadër të projektit të USAID-it për përforcimin e kapaciteteve për shfrytëzimin e resurseve.

Në forum do të prezantohen ndryshimet dhe plotësimet në Ligjin për financim të Njësive të Vetëqeverisjes Lokale me referencë të veçantë mbi jostabilitetin financiar, udhëzuesin për aktivitet të komunave në kushte të paqëndrueshmërisë financiare dhe Kodit për transparencë aktive në vend i përpiluar nga Projekti i USAID-it për forcimin e kapaciteteve për shfrytëzim të resurseve.

Siç bëhet e ditur nga organizatorët, në forum do të kenë fjalim ministrat e Financave dhe Vetëqeverisjes Lokale, Fatmir Besimi dhe Risto Penov, zëvendës shefi i misionit në Ambasadën e SHBA-së, Erik Mejer si dhe përfaqësues të Projektit të USAID-it për forcimin e kapaciteteve për shfrytëzimin e resurseve.

Është paralajmëruar edhe prania e përfaqësuesve të institucioneve të pushtetit qendror, kryetarëve të komunave si dhe përfaqësuesve të Komisionit parlamentar për Vetëqeverisje Lokale, Bashkësisë së Njësive të Vetëqeverisjes Lokale (BNJVL), Entit shtetëror për revizion dhe bashkësisë së donatorëve.

Related posts

Komunikacioni nëpër rrugë vende-vende të lagështa, nuk ka pritje më të gjata për hyrje dhe dalje nga vendi

D V

Filipçe: Nuk ka masa të reja restriktive

Z.H

Sela: Sot do të vendosim për Ushtruesin e Detyrës deri në kongresin e ardhshëm

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More