Agjencia Zhurnal.mk.

Pamje apokaliptike të zjarrit që djeg 42 katet e kullës në Kinë

Një zjarr “përbindësh” ka përfshirë sot një ndërtesë të lartë në qytetin e Kinës qendrore Changsha, teksa autoritetet thonë se ende nuk kanë gjetur asnjë viktimë.

 

Video të shpërndara në rrjetet sociale tregonin dhjetra njerëz që i largoheshin katastrofës ndërsa mbetje në flakë binin nga katet e mësipërme.

Zjarri besohet se kishte nisur në katet e sipërme të ndërteses së zyrave ku operonte kompania shtetërore e telekomunikimeve China Telecom, sipas rrjetit shtetëror CCTV.

Zyrtarët e zjarrfikësave thonin se flakët ishin vënë nën kontroll por ende nuk janë gjetur viktima.

Ato nuk thonin sesi zjarri ishte perhapur ne te gjitha 42 katet e fasades.

Në pamjet e publikuara nga CCTV shiheshin flakë ngjyrë portokalli që përfshinin ndërtesën në zonën e populluar teksa tym i zi i trashë ngrihej lart në qiell.

Në imazhe të mëpasshme shihej që zjarri ishte shuar teksa zjarrfikësit lëshonin ujë mbi fasadën e shkrumbuar.

Ndërtesa 218-metra e lartë është përfunduar në vitin 2000 dhe gjendet pranë një rrethrrotullimi kryesor.

Kjo nuk është hera e parë që zjarre të tilla përfshijnë ndërtesat në Kinë, teksa para një viti djegia e një magazine në Jilin i kushtoi jetën të paktën 15 njerëzve dhe plagosi 25, sipas mediave shtetërore.

Related posts

Përparësi themelore stabiliteti i tregut të punës dhe nxitja e hapjes

Z.H

Hakerët e Koresë së Veriut vitin e kaluar vodhën 400 milionë dollarë në kriptovaluta

D V

Ministri i Jashtëm i Austrisë, Linhart: Ballkani Perëndimor është pjesa më e rëndësishme e një Evrope të përbashkët

D V

This website uses cookies to improve your experience. We'll assume you're ok with this, but you can opt-out if you wish. Accept Read More