Agjencia Zhurnal.mk.

Pakistani dhe Kina bëjnë thirrje për ndihma në Afganistan

Udhëheqësit e Pakistanit dhe Kinës i bënë apel të përbashkët komunitetit ndërkombëtar, për ndihmë urgjente humanitare dhe ekonomike në Afganistan.

 

Kryeministri i Pakistanit, Imran Khan, dhe presidenti i Kinës, Xi Jinping, diskutuan për situatën në Afganistan gjatë një bisede telefonike.

Në deklaratën e lëshuar më pas, ata thanë se njerëzit atje kanë nevojë për ndihmë ndërkombëtare, që “do t’iu lehtësonte vuajtjet” dhe “do të parandalonte jostabilitetin”.

Qeveritë perëndimore kanë ndërprerë fondet e ndihmave për Afganistanin, prejse talibanët kanë marrë pushtetin në muajin gusht.

Aktualisht, sundimtarët talibanë nuk kanë qasje në rezervat prej 9 miliardë dollarësh të Bankës Qendrore afgane – shumica e të cilave mbahen në SHBA.

Një ditë më herët, Kombet e Bashkuara paralajmëruan se miliona afganë do të përballen me uri gjatë këtij dimri, nëse nuk ndërmerren veprime të menjëhershme për t’i ndihmuar ata.

Programi Botëror i Ushqimit i OKB-së tha se rreth 22.8 milionë aganë përballen me pasiguri ushqimore.

Shifra nënkupton më shumë se gjysmën e popullsisë afgane.

Related posts

Bjellorusia pastron kampet e emigrantëve

N E

Kina nuk do një inspektim të dytë nga OBSH-ja

N E

Izraeli përgatit qytetarët për dozën e katërt të vaksinës kundër Kovid-19

N E

This website uses cookies to improve your experience. We'll assume you're ok with this, but you can opt-out if you wish. Accept Read More