Brenda shtëpisë së “Big Brother VIP Albania”, Donaldi mori si dhuratë një emision në prime time në “Top Channel” që do ta moderonte bashkë me vëllain e tij, Romeo Veshaj, i titulluar “Më Lër të Flas”.
Por pas daljes së tij nga shtëpia e “BBV”, ky projekt u refuzua nga binjakët.
Dyshimet lindën pasi vëllezërit Veshaj fshinë “promon” paralajmëruese të programit në “Instagram”-in e tyre.
Por duket se në të vërtetë, Donaldi dhe Romeo nuk kanë hequr dorë nga emisioni.
Burimet e “Panorama Plus” konfirmuan se pas pjesëmarrjes në festën e organizuar nga produksioni i “Big Brother VIP”, kanë bërë që të sheshohen deri diku pakënaqësitë që ata kishin me njëri-tjetrin.
Përtej karrierës në ekran, binjakët Veshaj po sigurojnë edhe një karrierë në muzikë.
Sipas “Panorama Plus”, ata paguhen deri në pesë mijë euro për të qenë të pranishëm në club-et e kryeqytetit, ku dhe performojnë në skenë.
Si duket Donaldi po i futet seriozisht muzikës, pasi flitet se po sjell një bashkëpunim me Fifin.