Agjencia Zhurnal.mk.

Pacienti të cilit iu transplantua zemra është në gjendje të mirë, hiqet nga “aparatet”

Shkup, 23 Shtator – Pacientët, të cilët gjatë ditës së djeshme pranuan zemër dhe veshkë nga donatori i vdekur, sot ndjehen mirë dhe janë jashtë njësive të mjekimit intensiv, njofton ministri i Shëndetësisë, Bekim Sali.

 

“Pacienti 46-vjeçar, i cili pranoi zemër, është hequr nga makina respiratore në Klinikën Shtetërore të Kardiokirurgjisë, tashmë po merr frymë vetë dhe ndjehet mirë”, njoftoi Sali. Po ashtu, në Klinikën e Urologjisë, pacientja 36-vjeçare dhe pacienti 47-vjeçar, që pranuan veshkë, janë jashtë njësive të mjekimit intensiv dhe ndjehen mirë.

“Para tyre vijnë ditë të rikuperimit. Si ministër dhe si njeri, para së gjithash dua ta falënderoj edhe një herë familjen e donatorit. Tri vajzat e tyre të guximshme, që me vendimin e tyre për të dhuruar organe u dhanë jetë të paktën tre pacientëve, të gjithë neve na dhanë ditë plot shpresë dhe besim në një dashamirësi dhe humanizëm të jashtëzakonshëm, që duhet ta çmojmë. Dëshira e tyre ishte që zemra e nënës së tyre të vazhdonte të rrihte dhe t’ua ndriçonte rrugën atyre që do ta merrnin organin.

I falënderoj edhe njëherë!”, shkruan ministri i Shëndetësisë, Bekim Sali.

Related posts

Nuk ka epilog për deponinë në Strugë

Xh M

Angeloski për “Politika”: “Ballkani i Hapur” është një mundësi për rritje ekonomike të rajonit

Z.H

Seancë e Këshillit Drejtues të Forumit Investues të Odës në Ohër

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More