Shkup, 20 gusht – Gjendja e pacientëve të prekur nga ethet hemorragjike kongo-krime është e qëndrueshme. Sipas mjekëve, faza kritike e sëmundjes ka kaluar dhe nuk pritet përkeqësim i gjendjes së tyre. Tre persona të prekur nga ethet hemorragjike kongo-krime janë regjistruar në dy javët e fundit.
Një 27-vjeçare nga Shtipi ndërroi jetë në fund të muajit të kaluar nga sëmundja e cila transmetohet nga rriqrat. Më pas u infektua edhe infermierja që kujdesej për të, ndërsa disa ditë më vonë u raportua edhe për një rast të tretë nga Velesi, i cili nuk ka lidhje me rastet e mëparshme.
