Agjencia Zhurnal.mk.

Osmani takohet me Escobarin në Nju Jork

Për dialogun Prishtinë- Beograd është diskutuar në takimin ndërmjet presidentes së Kosovës, Vjosa Osmani, të dërguarit amerikan për Ballkanin Perëndimor, Gabriel Escobar, dhe këshilltarit të Departamentit të Shtetit të SHBA-së, Derek Chollet.

 

Takimi është zhvilluar në Nju Jork, ku po mbahet Asambleja e Përgjithshme e Kombeve të Bashkuara.

Në njoftimin e 21 shtatorit të lëshuar nga Presidenca e Kosovës, thuhet se Osmani theksoi nevojën për të ecur përpara me procesin e dialogut me Serbinë, “të përqendruar në njohjen reciproke”.

“Presidentja Osmani, potencoi nevojën që Serbia t’i zbatojë obligimet e saj nga marrëveshja për udhërrëfyesin e energjisë dhe nevojën urgjente që të arrihet sukses sa i përket marrëveshjes për të zhdukurit me dhunë”, thuhet në njoftim.

Një ditë më herët, shefi i Politikës së Jashtme dhe Sigurisë, Josep Borrell, u takua në Nju Jork me gjashtë liderët e Ballkanit Perëndimor.

Ai tha se ka biseduar me ta për ndikimin që po ka në rajon dhe botë pushtimi i paprovokuar rus i Ukrainës, si dhe u ka premtuar atyre se blloku evropian do t’u ndihmojë për të rritur sigurinë energjetike dhe për të adresuar “kërcënimet hibride, përfshirë ato kibernetike”.

Related posts

Fevziu “zbardh” dosjen: Ish-sigurimi i shteti kishte përgjuar për 20 vjet Ibrahim Rugovën

Xh M

QKMF-ja në Deçan furnizohet me barna për pacientët që po trajtohen për helmim

D V

Hasani: Kosova në NATO nuk përcaktohet nga agresioni rus në Ukrainë, por nga dialogu me Serbinë

D V

This website uses cookies to improve your experience. We'll assume you're ok with this, but you can opt-out if you wish. Accept Read More