Agjencia Zhurnal.mk.

Osmani: Nëse jo më 14 dhjetor, ka mundësi që edhe më 31 dhjetor të nisim negociatat

Shkup, 11 dhjetor – Nëse jo më 14 dhjetor, ka mundësi që më 31 dhjetor të thirret mbledhje e e ministrave të Punëve të Jashtme të Bashkimit Evropian dhe që atë ditë të miratohet dhe mbahet konferenca ndërqeveritare, ka sqaruar ministri i Punëve të Jashtme të Maqedonisë së Veriut, Bujar Osmani.

 

ka shtuar se kjo mund të ndodh nëse kryesimi slloven merr sinjal nga Bullgaria se do të tërheqë veton, në të kundërtën, siç tha Osmani, nëse nuk ndodh kjo, frika e tij është se nëse kontesti Shkup – Sofje kalon në konflikt të ngrirë, vendi mund të mbetet i izoluar.

“Të gjithë janë të vetëdijshëm se sa është i rëndësishëm 14 dhjetori, por jo vetëm 14 dhjetori, sepse edhe më 31 dhjetor kryesimi slloven mund, nëse merr sinjal nga Bullgaria se tërheq veton, madje më 30 dhjetor ministri slloven për Punë të Jashtme mund të thërrasë mbledhje online të ministrave dhe të miratojë dhe në të njëjtën ditë të mbahet konferenca ndërqeveritare. Është e rëndësishme që t’i mbajmë afatet e shkurta. Frika ime është që nëse ky kontest kalon në konflikt të ngrirë, Maqedonia e Veriut do të mbetet e izoluar në perspektivat evropiane”, deklaroi Osmani në Televizionin “Sitel”.

Sheh shpresa në formimin e Qeverisë së re në Bullgari, pasi sipas tij atëherë krijohen mundësi që të bisedohet mes dy qeverish stabile.

Shpresë sheh edhe në angazhimin e Francës për gjetjen e zgjidhjes.

“Shihet një proaktivitet i madh. Në kushte kur Gjermania tërë periudhën ishte në linjën e parë që të zhbllokojë procesin, tani e kemi Francën më shumë se kurdo herë”, tha Osmani.

Related posts

Ekspertë të huaj do të hetojnë për zjarrin në Tetovë

N E

Hoxha: Edhe nëse Besa mbetet, unë nuk do të jem më ministër në qeveri me BDI-në

I Z

Rute: Do të bëjmë gjithçka për zhbllokim sa më të shpejtë të fillimit të negociatave aderuese të Maqedonisë së Veriut me BE-në

D V

This website uses cookies to improve your experience. We'll assume you're ok with this, but you can opt-out if you wish. Accept Read More