Agjencia Zhurnal.mk.

OBSH: Turmat pa maska në Euro 2020 ishin shkatërruese

Epidemiologia e Organizatës Botërore të Shëndetësisë, Maria Van Kerkhove tha se ka qenë “shkatërruese” kur ka parë turma njerëzish pa maska, duke kënduar dhe brohoritur në finalen e kampionatit evropian të futbollit, “Euro 2020”.

 

Ndeshja midis Italisë dhe Anglisë u zhvillua të dielën mbrëma në një stadium të Londrës, në kohën kur varianti Delta i koronavirusit po shkakton rritje të infeksioneve.

OBSH-ja zakonisht përmbahet nga vërejtjet për politikat e shteteve anëtare, por Van Kerkhove tha se pamja e mbi 60,000 spektatorëve në stadium ishte “shkatërruese”.

“A duhet të kënaqem teksa shoh transmetimin [e koronavirusit] përpara syve të mi?”, shkroi Van Kerkhove në Tëitter, duke shtuar se varianti Delta “do të përfitojë nga njerëzit e pavaksinuar”.

Më herët, kryeministri britanik, Boris Johnson, e ka mbrojtur vendimin për të lejuar më shumë se 60,000 njerëz të marrin pjesë në ndeshjen finale, duke thënë se ajo do të organizohet në “një mënyrë të kujdesshme dhe të kontrolluar, me testimin e të gjithëve që shkojnë atje”.

Globalisht, shkalla e infeksionit me koronavirus është duke u rritur.

Javën e kaluar kanë qenë mbi 2.6 milionë raste të reja; Evropa ka përjetuar rritje për 30 për qind të rasteve, ka thënë OBSH-ja në raportin e saj të fundit epidemiologjik.

Koronavirusi ka vrarë mbi katër milionë njerëz në të gjithë botën./REL

Related posts

Harbin, burri gjigant i borës “debuton” për vitin 2021

Z H

Shoferët e pavaksinuar nuk do të mund të blejnë karburante në Slloveni

D V

VOA: Qasja ndryshe e Presidentit Biden ndaj udhëheqësit rus

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More