Shkup, 7 tetor – Zyra e OBSH-së në Maqedoninë e Veriut sot deri te Ministria e Shëndetësisë/Instituti për Shëndet Publik dorëzoi pesë bartës të vaksinave dhe 1250 teste dhe reagentë për sekuencim të viruseve, në kuadër të përgjigjes aktuale ndaj Kovid-19.
Qëllimi është të kontribuohet për përgjigje efektive të Kovid-19 në vend.
Si pjesë integrale në ruajtjen e vaksinave nga zinxhiri i ftohtë, bartësit e vaksinave paraqesin kuti me izolim që përdoren për transport dhe tretës deri te lokacionet në terren, si dhe ruajtjen e përkohshme gjatë imunizimit në institucionet e shëndetësisë, me çfarë ruhet temperatura e nevojshme dhe ruhet cilësia e vaksinave.
Ministri i Shëndetësisë Venko Filipçe deklaroi se bartësit e vaksinave në një masë të madhe do të kontribuojnë për përmirësimin e kapaciteteve kombëtare për ruajtjen e vaksinave dhe dukshëm do t’i mbështesin përpjekjet për shpërndarjen e vaksinave kundër Kovid-19.
Sepse, siç tha, vaksinimi edhe më tej mbetet njëra ndër ndërhyrjet më efektive gjatë pandemisë, ne shprehim mirënjohje të madhe për ndihmën e OBSH-së në përballjen me të gjitha aspektet komplekse të pandemisë.
Xhihan Tavila, përfaqësuese e OBSH-së në Maqedoninë e Veriut theksoi se përmirësimi i infrastrukturës së zinxhirit të ftohtë do të ndihmojë që vaksinat që shpëtojnë jetë, si vaksinat kundër Kovid-19, ashtu edhe vaksinat e rregullta, të mbërrijnë deri te ata të cilëve u nevojiten.
“Përveç zinxhirit të ftohtë, OBSH i mbështet edhe aspektet e tjera për përforcim të imunizimit, përfshirë edhe ndërtimin e kapaciteteve të punonjësve në shëndetin publik, punonjësit shëndetësorë të cilët e kryejnë vaksinimin, pediatrit, mjekët e familjes dhe punonjësit e tjerë shëndetësorë, përmes kurseve të përshtatshme për vaksinim”, shtoi Tavila.
Ajo i inkurajoi të gjithë që plotësisht të vaksinohen dhe t’u përmbahen masave publiko-shëndetësore dhe sociale, sepse, siç tha, të gjithë ata janë me rëndësi kryesore për përfundimin e pandemisë dhe përshpejtimin e rimëkëmbjes në nivel global.
Furnizimi i pajisjes dhe implementimi i projektit janë mbështetur nga Gjermania dhe Qendra për Parandalim dje Kontroll të Sëmundjeve të SHBA-së, me mbështetje teknike nga OBSH-ja.
