Agjencia Zhurnal.mk.

Nuk mund ta ndalojë lemzën, presidenti brazilian përfundon në spital

Presidenti brazilian Jair Bolsonaro është shtruar në spital për të hetuar shkakun e lemzës së vazhdueshme që po çon në dhimbje barku, sipas Sekretariatit Special të Brazil për Komunikimin Social.

 

Sipas burimeve në pallatin presidencial, Bolsonaro ndjeu dhimbje barku natën dhe ai po i nënshtrohet testeve në spitalin e Forcave të Armatosura në Brasilia, shkruan CNN, përcjell Telegrafi.

Sekretariati i posaçëm për komunikim tha: “Me këshillë mjekësore, presidenti do të vëzhgohet për një periudhë prej 24 deri në 48 orë, jo domosdoshmërisht në spital”.

Bolsonaro është ankuar për më shumë se një javë nga lemza, duke thënë se kjo po i shkaktonte atij vështirësi kur fliste në publik.

Dhe të martën në mbrëmje ai adresoi këtë çështje kur po fliste me mbështetësit. “Djema, unë jam pa zë, djema. Nëse filloj të flas shumë, periudha e lemzës kthehet”, ka thënë ai.

Gjatë një ngjarje të mediave sociale të enjten e kaluar, presidenti tha se kishte pasur lemza “për më shumë se një javë” në atë pikë.

“Unë mund të mos jem në gjendje të shprehem siç duhet në këtë transmetim live”, kishte thënë ai.

Ai ka sugjeruar që gjendja mund të ketë të bëjë me ilaçet që po merrte për shkak të operacionit për implantet dentare.

Por burimet thonë se Bolsonaro po bën mirë megjithëse po vlerësohet mundësia e kryerjes së operacionit në muajt e ardhshëm për të hequr një hernie në rajonin e barkut. 

Related posts

Britania miraton pilulën e parë kundër COVID-19

D V

Rusia kërkon që Britania dhe Franca t’iu bashkohen bisedimeve me SHBA-në për armë bërthamore

D V

Bashkëpunëtori i Trumpit dorëzohet në FBI, për t’u ballafaquar me akuzat për mosrespektim të Kongresi amerikan

D V

This website uses cookies to improve your experience. We'll assume you're ok with this, but you can opt-out if you wish. Accept Read More