Agjencia Zhurnal.mk.

Nuk ka kush i mbron mjekët nëpër spitale, nuk ka siguri fizike 24 orëshe

Strugë, 3 mars – Një infermiere njëzet e tre vjeçare në repartin kirurgjik të spitalit të Strugës është sulmuar fizikisht në vendin e saj të punës nga një 52 vjeçar, banor i fshatit Veleshtë.

Sulmi ndodhi pasi infermierja i kishte kërkuar 52 vjeçarit që ta shuajë cigaren.

“Është sjellë në mënyrë agresive ndaj saj dhe e ka ofenduar, e më pas e ka goditur me shkelm në bark, e më pas ka ikur. Është gjetur dhe privuar nga liria të nesërmen”, thonë nga Prokuroria Themelore Publike.

Për shkak të rrezikut për arratisje me qëllim që t’i shmanget ndjekjes penale dhe për shkak të rrezikut të përsëritjes së veprës penale, prokurori publik ka kërkuar caktimin e masës së paraburgimit. Ndërkohë dhjetë ditë më parë, në repartin e njëjtë, disa infermierë dhe një mjek u sulmuan nga një person i cili hyri me forcë në objekt, pasi paraprakisht kishte thyer dritaren dhe derën.

“Është mirë të ketë njerëz që do të kujdesen për rendin, por policia është përgjegjëse për institucionet publike. Por, ndërsa thërrasim policinë, kalojnë 10-15 minuta para se të vijnë”, tha Zllatko Lazarevski – mjek.

Në spitalin e Strugës nuk ka siguri fizike 24 orëshe. Drejtori Armend Arsllani nuk iu përgjigj thirrjeve të Alsat për të treguar nëse do të marrin masa për mbrojtjen e punonjësve pas këtij incidenti.

Related posts

Veteranët e UÇK-së porosi Grubit: Nuk lejojmë shkeljen e flamurit kombëtar! (VIDEO)

Redaksia

Kovaçevski: Gabuam me disa parti shqiptare

Redaksia

Toshkovski garanton proces të rregullt zgjedhor

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky