Mos-pjesëmarrja e Ilir Shaqirit në spektaklin “Dancing With the Stars”, ka bërë që të komentohet nga fansat e mediat.
Lidhur me këto komente ka reaguar së fundmi balerini me anë të një postimi në Instagram.
Ai tregoi se me produksionin e “Dancing With the Stars”, ka folur vetëm dy herë, një herë në maj, kur i është bërë me dije se “është i lirë” nga projekti dhe njëherë në gusht, kur i kontaktuar nga ta, pikërisht për të qenë pjesë e jurisë ai iu ka thënë “nuk jam më i lirë”.
Balerini shtoi se zgjodhi “Tv Klan” për shkak të konsideratës dhe vlerësimit.
