Agjencia Zhurnal.mk.

Nuhiu vlerëson Llapin, por thotë se janë të përgatitur për ndeshjen ndaj tyre

 

Në konferencën për media u paraqitën krytrajneri, Ardian Nuhiu dhe futbollisti, Marko Simonovski, shkruan Gazeta Olle.

Para gazetarëve, trajneri Nuhiu foli për rëndësinë e kësaj ndeshje, përgatitjet dhe pritshmëritë.

“Nesër nap ret një përballje e fortë, si për ne ashtu edhe për kundërshtarin. Takohen dy skuadrat të cilat kanë shumë kualitet brenda vetës. Nëse shohim Llapin në ndeshjet e fundit shohim se ata po kalojnë një formë të mirë, ku përveç aspektit ekipor ata kanë edhe futbollistë, të cilët në mënyrë individuale dijnë t’i zgjidhin situatat. Jemi munduar që të përgatisim një kundër lojë dhe jemi të gatshëm edhe për atë fushë. Kemi nevojë për vazhdimësi, sepse mendoj se kemi potencial për të vazhduar me rezultate të mira”, theksoi Nuhiu.

Trajneri Nuhiu u pyet për formën e skuadrës pas fitores së fundit ndaj Feronikelit, për çka theksoi se përveç dy golave të shënuar, skuadra nuk u rrezikua në asnjë moment të ndeshjes.

“Më ka pëlqyer skuadra në ndeshjen e fundit, më gëzon fakti që e gjetëm edhe rezultatin pas lojërave të mira. Djemtë kanë zhvilluar ndeshje të mirë, më ka pëlqyer përqëndrimi, serioziteti, angazhimi dhe skuadra ishte vazhdimisht në kërkim. Më gëzon fakti që skuadra nuk lejoi në asnjë moment të rrezikohet, duke krijuar shumë dhe futbollistët po marrin formën e tyre dhe po vijnë tek më e mira”, deklaroi Nuhiu.

Trajneri, Ardian Nuhiu njoftoi se futbollisti Arbnor Muja po vazhdon rikuperimin, ndërsa në pikëpyetje për nesër është edhe Erjon Vucaj, për shkak të disa shqetësimeve të fundit.

Ndeshja e xhiros së njëmbëdhjetë, në mes të Llapit dhe Dritës zhvillohet nesër, ora 13:00 në stadiumin e Merdares.

/ Gazeta Olle/

Related posts

Maqedonia e Veriut ka nevojë për politika që mbrojnë reformat më të cenueshme për rritje

Z.H

(Video) Sherr në mes të dy tifo-grupeve, pas pjesës së parë

Redaksia

Moti sot me diell dhe temperatura deri 38 gradë

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More