Agjencia Zhurnal.mk.

Norvegjia me donacion 6,8 milion euro për gjyqësor më transparent dhe më të pavarur

Shkup, 19 shtator – Norvegjia, së bashku me donatorët e tjerë, është e gatshme të investojë 6.8 milionë euro për përdorim më të shpejtë, më të përshtatshëm dhe më të plotë të teknologjisë së informacionit. Kjo u theksua në takimin e sotëm të anëtarëve të Këshillit Gjyqësor të Republikës së Maqedonisë së Veriut me anëtarët e Këshillit Gjyqësor të Norvegjisë.

 

Siç informon shërbimi për shtyp i Këshillit Gjyqësor, kryetarja e Këshillit Gjyqësor, Pavlina C;rvenkovska, zëvendësi Selim Ademi dhe anëtarët Loreta Gjorgjieva dhe Milazim Mustafa, kanë mbajtur takim pune me drejtorin e Këshillit Gjyqësor të Norvegjisë Sven Marius Urke , i shoqëruar nga Audun Hognes Berg i cili është pjesë e këshillit norvegjez dhe Amra Jashareviq, përgjegjëse për reformat gjyqësore në rajon. Në takim morën pjesë kryetari i Gjykatës Themelore, Lazar Nanev dhe profesoresha Gordana Lazhetiq, si pjesë e Këshillit për Teknologji Informative dhe Komunikuese.

Në takim, siç thuhet në njoftim, të dyja palët ranë dakord që përzgjedhja e gjyqtarëve, vlerësimi dhe avancimi tyre, të cilat janë në juridiksionin e Këshillit Gjyqësor, do të jetë më i plotë dhe më cilësor nëse i gjithë sistemi gjyqësor dixhitalizohet.

Drejtori i Këshillit Gjyqësor të Norvegjisë, Urke theksoi domosdoshmërinë e dixhitalizimit të plotë të sistemit gjyqësor të Maqedonisë përmes teknologjisë moderne informative, me qëllim që të lehtësohet aksesi i qytetarëve në gjyqësor, por edhe të krijohet një sistem gjyqësor më efikas, transparent dhe i pavarur. Ai theksoi se e gjithë pavarësia e gjyqësorit në Norvegji mbështetet në teknologjinë e informacionit.

Kryetarja e Këshillit Gjyqësor, Cërvenkovska, e informoi delegacionin norvegjez se për momentin këshilli është duke ndarë mjete financiare për procesin e dixhitalizimit të gjyqësorit dhe shprehu gatishmërinë e këshillit që aktivisht të marrë pjesë në instalimin e sistemit të ri AKMIS, i cili gjithashtu do të përmbajë mjete që tani nuk janë përdorur nga gjyqësori maqedonas.

Anëtarët e Këshillit Gjyqësor shprehën besimin se me dixhitalizimin e plotë dhe investimin në teknologjinë e informacionit do të sigurohet një gjyqësor transparent dhe i pavarur, i cili do të lehtësojë ofrimin e shërbimeve për qytetarët dhe do t’i bëjë procedurat gjyqësore më të hapura për publikun që do të rikthejë besimin tek qytetarët.

Related posts

Pa rrymë nesër disa fshatra në Saraj

Xh M

LSDM: Ku i mori VMRO-DPMNE 300 mijë euro për tribunën, me pasuri të ngrirë?

Z.H

Prej të mërkurën një qese do të kushtojë 15 denarë

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More