Agjencia Zhurnal.mk.

Një i burgosur në Dubravë dyshohet se u dhunua seksualisht nga një i burgosur tjetër

Një i burgosur në Qendrën Korrektuese në Dubravë po dyshohet se është dhunuar seksualisht nga një i burgosur tjetër.

 

Shërbimi Korrektues i Kosovës njofton se viktima të hënën rreth orës 12:15, është ankuar te mjeku kujdestar se është dhunuar nga një i burgosur tjetër para më shumë se një muaji.

“Mjeku kujdestar ka bërë ekzaminimet përkatëse dhe nuk ka vërejtur shenja të dhunës seksuale. Megjithatë, bazuar në Praktikat Standarde të Veprimit të DSHB për këto raste, është kërkuar dhe është duke vazhduar trajtimi psikologjik dhe psikiatrik i tij”, thuhet në njoftimin për media.

SHKK thotë se menjëherë ka njoftuar Policinë e Kosovës, të cilët janë duke u marrë me rastin.

“SHKK bazuar në rregullat e brendshme ka ofruar të gjitha mundësitë Policisë së Kosovës që të hetojë rastin, ndërsa sipas rregullave të brendshme janë marrë masat adekuate për rastin deri në përfundim të procedurës hetimore”, thuhet tutje.

“SHKK edhe një herë shpreh përkushtimin për parandalimin e të gjitha rasteve të dhunës në burgje dhe në bashkëpunim me institucionet e tjera kompetente të veprojë me kohë dhe sipas kompetencës”. 

Related posts

Një femër dhe një mashkull e bëjnë njëri-tjetrin për spital

Xh M

Dalin videot/ Ja kush është vazja që plagosi Vali Corleonen

Z.H

Vitia shpall kandidaturën për kryetar të Qendrës së LV-së në Prishtinë

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More