Agjencia Zhurnal.mk.

Nga e premtja do të vaksinohen edhe fëmijët, shkurtohet afati i rivaksinimit me “AstraZeneca”

Shkup, 12 korrik – Prej të premtes do të fillojë vaksinimi i fëmijëve të moshës mbi 12 vjet me “Fajzer”, prindërit/tutorët e të cilëve prej sot e deri të ënjten do të regjistrohen në ueb-faqen vakcinacija.mk.

 

Ministri i Shëndetësisë, Venko Filipçe sot deklaroi se pasi që të shihet interesimi me regjistrimin në sajtin, do të caktohen terminë për vaksinë sipas orarit, sepse një shishkë përmban gjashtë doza.

“Sepse vaksina e ‘Fajzer’ kur hapet njëherë duhet të vaksinohen gjashtë persona sepse shishka ka gjashtë doza dhe nëse regjistrohen një ose dy fëmijë, ekziston rrezik i madh që një numër i shishkave të hidhen, ndërsa kjo nuk dëshirojmë të ndodhë. Prindërit do të munden deri të enjten t’i regjistrojnë fëmijët dhe nga e premtja do të fillojë aplikimi i vaksinave”, tha Filipçe pas vizitës në Poliklinikën në Shuto Orizarë ku është hapur pikë e re për vaksinim.

Ministri njoftoi edhe se rivaksinimi me “Astra Zeneka” do të jetë në gjashtë javë në vend se 12 si deri më tani. Kjo është dakorduar në takimin me anëtarët e Komitetit për Imunizim. Por, edhe më tutje kjo vaksinë do t’iu jepet vetëm më të moshuarve se 60 vjet.

“Në udhëzimin ka fleksibilitet, e ai është nga katër deri 12 javë. Ne ishim shumë të kujdesshëm duke i pritur gati të gjitha publikimet dhe përvojat nga vendet e tjera sa i përket atyre efekteve anësore të padëshiruara. Kur kalon koha dhe shohim se ai rrezik është me të vërtetë minimal, vendosim që rivaksinimi të mos jetë katër javë, siç qëndron në udhëzim, por të jetë gjashtë javë”, tha Filipçe.

Related posts

Bujar Osmani: Likovën, Sarajin dhe Pllasnicën fitojmë që në rreth të parë

Redaksia

Sigurohet akomodim i përkohshëm i 131 qytetarëve afganë të punësuar në Kombet e Bashkuara

Z H

VMRO-DPMNE: Vërtetë na vjen keq nëse Alternativa bëhet pjesë e qeverisë LSDM-BDI

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More