Tetovë, 27 Maj – Është një kënaqësi e veçantë për mua që arritëm të zgjerojmë bashkëpunimin e mirë që kemi me PONT edhe në PK Mali Sharr. Nënshkrimi i sotëm i marrëveshjes ndërmjet NPPK Mali Sharr dhe PONT siguroi burime financiare shtesë që do të mundësojnë kompletimin dhe vënien në funksion të plotë të institutit të sapoformuar.
Bashkëpunimi i mirë ndërmjet Ministrisë së Mjedisit Jetësor dhe Planifikimit Hapësinor dhe Fondit të Natyrës Prespa-Ohër, që filloi në vitin 2018 me nënshkrimin e Marrëveshjes Kornizë, rezultoi me ndihmën financiare nga PONT në valorizimin e trashëgimisë natyrore dhe përgatitjen e planeve të menaxhimit me zonat e mbrojtura, siç janë rastet me PK Pelister, PK Galiçica, Monument i Natyrës – Burimet e Vevçanit dhe Monumenti i Natyrës Liqeni i Prespës.
Sot ky bashkëpunim po zgjerohet edhe në PK Mali Sharr dhe presim që do të krijohen kushte për zgjerim edhe në zona të tjera të mbrojtura, siç është PK Mavrovë dhe të tjera Me këtë grant të planifikimit do të sigurohet fuqizim administrativ i institutit, ruajtja e natyrës nga kërcënimet siç janë zjarret dhe aktivitetet e paligjshme si dhe vizibilitet më i madh i institutit, informim dhe bashkëpunim me popullsinë vendase.
https://www.facebook.com/photo?fbid=403260478475696&set=pcb.403260515142359