Të paktën 35 persona e humbën jetën në sulmin e djeshëm vetëvrasës në një qendër arsimore në rajonin Hazara në Kabul. Të paktën 82 persona janë plagosur, kumtoi misioni i KB-së në Afganistan.
Sulmi ka ndodhur dje në mëngjes. Një burrë që mbante eksploziv është vetëhedhur në qendër ku studentët janë përgatitur për provime pranuese në fakultet. Shumica e viktimave kanë qenë gra.
Rreth 50 gra sot dolën në rrugët e Kabulit për të shprehur zemërimin e tyre për sulmin. Ato kanë kaluar nëpër rrugën kryesore në lagjen Dashti Barçi ku ka ndodhur edhe sulmi. Më pas, duke brohoritur “Stop gjenocidit ndaj hazarasve”, ata u drejtuan drejt spitalit ku po trajtohen të plagosurit nga sulmi. Talibanët e armatosur rëndë qëlluan në ajër për të shpërndarë demonstratat.
