Agjencia Zhurnal.mk.

Ndeshja kur Alain Giresse kishte mposhtur Kosovën sa ishte përzgjedhës i Senegalit – ai asokohe shpresonte që të pranohemi shpejt në UEFA dhe FIFA

Alain Giresse është konfirmuar sot si përzgjedhës i Kosovës, ku ai ka nënshkruar një kontratë për dy vite.

Emri i Giresse nuk është i panjohur për Kosovën, pasi ai kishte vizituar FFK-në në fillimit të vitit 2014, kur ende nuk ishim të pranuar në UEFA dhe FIFA.

Ai ishte takuar me kryetarin e FFK-së së asaj kohe, të ndjerin Fadil Vokrri, por edhe ministrin e MKRS-së, Memli Krasniqin.

Kjo njohësi me Kosovën kishte bërë që pas disa muajsh, gjegjësisht me 25 maj 2014 të zhvillohej një ndeshje miqësore mes Senegalit që Giresse e udhëhiqte në Gjenevë të Zvicrës.

Senegali e fitoi atë ndeshje me rezultat 3-1, edhe pse Kosova ishte e para në epërsi me golin e shënuar nga Albert Bunjaku, shkruan Telegrafi.

Por dy golat e Oumar Niasse (40’ dhe 48’) dhe një gol nga Diafra Sakho, bën që senegalezët të fitojnë ndeshjen.

Në atë ndeshje ishin paraqitur emra të njohur si Demba Ba, Idrissa Guaye dhe Sadio Mane.

Pas ndeshjes përzgjedhësi i Senegalit në atë kohë Giresse u shpreh i kënaqur dhe lavdëroi lojën e futbollistëve të Kosovës ku shtoi se shpreson që Kosova të pranohej sa më shpejt në FIFA dhe UEFA.

“Kosovën e kemi konsideruar një kundërshtar si të tjerët. Nuk ka pasur ndonjë vështirësi për këtë lojë. Kosovës i urojmë të bëhet sa më shpejt pjesë e UEFA-s e FIFA-s. Ne do të mundohemi t’iu ndihmojmë”, kishte thënë Giresse në konferencë për shtyp pas asaj ndeshje.

sova udhëhiqej nga Albert Bunjaki, ndërsa vetëm Amir Rrahmani është në ekip nga ajo kohë, ndërsa të tjerët të paraqitur nuk janë më pjesë e Kosovës, ku shumë prej tyre tashmë janë pensionuar.


Kosova – Senegali 1:3

Stadiumi: Stade de Geneva

Shikues: 13.143

Gjyqtarë: Stephan Klossner, Remy Zgraggen, Jean Yves Wicht, Sascha Amhof.

Shënues: Albert Bunjaku (25) për Kosovën, ndërsa Nbaye Oumar Niasse(41’) dhe (49’) dhe Sakho(51’) për Senegalin

Kosova: Mushica ( Biblekaj), Metaj, Alushi, Rrahmani, Krasniqi (55’ Zhdrella, I.Bunjaku, Toski (E. Bunjaku), Albe. Bunjaku (Alba. Bunjaku), Avdijaj (55’ Zejnullahu) Rexhepi (Hoxha) Nushi.

Senegali: Ch.T.Ndiaye, Gassama, Kouyate, Djolobodji (Mbodj), Souare, Gueye, Al.Ndiaye, Salif Sane, Dame Ndoye, Niasse (Mane), Diafra Sakho (Demba Ba).


 

Related posts

Eko-vetëdije: Mënjanimi i qeseve të plastikës do të ndikojë në uljen e mbeturinave nga plastika

Z.H

LLukarevska: Seanca e KQ-së së LSDM-së për përbërjen e kabinetit të ri qeveritar më 10 janar

D V

“BRIMA” reagon ndaj akuzave të Mickoskit: Nga Qeveria nuk morëm asnjë denarë për anketën

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More