Agjencia Zhurnal.mk.

Ndërron jetë ikona e televizionit italian, Raffaella Carra

Këngëtarja, valltarja dhe aktorja, Raffaella Carra, një ikonë e televizionit italian që bëri revolucion në art, ka vdekur në moshën 78 vjeçare.

 

Lajmin për vdekjen e ka bërë të ditur partneri i saj, Sergio Iapino.

“Raffaella na ka lënë. Ajo ka shkuar në një botë më të mirë, ku humaniteti, e qeshura dhe talenti i saj i jashtëzakonshëm do të shkëlqejnë përgjithmonë”, tha ai.

Gjithashtu, e njohur në Spanjë dhe Amerikën Latine, Carra ka lindur si Raffaella Pelloni më 18 qershor 1943 në Rimini.

Ajo luajti në dhjetëra filma midis 1960 dhe 1970, duke përfshirë “Von Ryan Express” të 1965 me Frank Sinatra. Po atë vit, artistja interpretoi në komedinë muzikore “Scaramouche”.

Në vitet 1960, ajo u angazhua në televizion, duke dalë në shfaqje si “Tempo di Danza”, “Il Paroliere dhe Questo Sconosciuto”.

Në 1971, ajo pati një sukses tjetër në shfaqjen “Canzonissima, duke interpretuar këngën me temë “Chissa se Va”.

Nga mesi i viteve 1970 e në vazhdim, Raffaella ishte nikoqire e shfaqjeve të ndryshme në Itali (Ma Che Sera, Fantastico 3, Pronto … Raffaella, Domenica In, Ëeekend con Raffaella Carra) dhe në Spanjë (Hola Raffaella).

Related posts

Megan Fox bashkëpunon me Boohoo për realizimin e një koleksioni

D V

Ngritet padi kundër aktorit Alec Baldwin për rastin tragjik në xhirimet e “Rust”

D V

Dua Lipa duket atraktive me ngjyrat e vjeshtës, ndërsa fotografohet me vjehrrën dhe të dashurin rrugëve të New Yorkut

D V

This website uses cookies to improve your experience. We'll assume you're ok with this, but you can opt-out if you wish. Accept Read More