Punonjës policorë nga Stacioni policor për mbikëqyrje kufitare Mihajlovë dhe Stacioni policor të vendkalimit kufitar Bogorodicë e kanë privuar nga liria A.J.(22) dhe M.D.(19), të dy nga Shtipi, pasi në automjetin transportues “Ford transit” me targa të Shkupit, të cilin e drejtonte A.J, ndërsa M.D. ka qenë bashkëudhëtar, janë gjetur 12 emigrantë. Shtatë prej emigrantëve ishin nga Siria, dy nga Egjipti dhe tre nga Pakistani.
“Rreth orës 13:10 në autostradën Gjevgjeli-Shkup, në pikë-pagesën Smokvicë, punonjës policorë i kanë dhënë shenjë automjetit të ndalet, por ai nuk është ndalur dhe ka vazhduar lëvizjen. Menjëherë automjeti u ndalua. Personat tentuan të iknin, por u kapën dhe u arrestuan”, thonë nga MPB.
A.J. dhe M.D. janë ndaluar në stacionin policor dhe pas dokumentimit të plotë të rastit ndaj tyre do të ngrotet kallëzim adekuat.
