Mucunski: BDI-ja do të shkojë në opozitë

Shkup, 8 maj – Nënkryetari i VMRO-DPMNE-së, Timço Mucunski akuzoi BDI-në për siç u shpreh ai tentim për krizë shtetërore, megjithatë sipas tij dështoi skenari i BDI-së për krizë shtetërore.

Mucunski madje u shpreh i prerë se BDI-ja shkon në opozitë. “BDI-ja dëshiron krizë dhe përmes bojkotit të zgjedhjeve presidenciale deshi ta realizoj këtë. Mirë është që BDI-ja humbi dyfish. Qytetarët u bashkuan dhe votuan për të kthyer kontrollin që nuk e kishim.

Zgjedhjet kaluan në atmosferë të mirë, megjithatë kishte disa parregullsi. Disa funksionar të partive qeveritare janë kapur në vepër”, deklaroi Timço Mucunski, VMRO-DPMNE.