Agjencia Zhurnal.mk.

MSH: Të gjitha vaksinat janë efikase dhe mbrojnë nga lloji delta

Shkup, 6 korrik – Absolutisht të pasakta janë zërat dhe qëndrimet të transmetuara në media se vaksina kineze “Sinovak” nuk mbron nga lloji delta dhe nga pasqyra e rëndë klinike gjatë sëmurjes së të vaksinuarve me këtë vaksinë, reagoi Ministria e Shëndetësisë.

 

Theksojnë se nuk ka asnjë studim ose dëshmi shkencore që e vërteton këtë.

“Ju bëjmë thirrje mediave që të mos plasojnë teza të pavërtetuara nga individë të cilat nuk janë bazuar në informacione zyrtare nga institucionet ndërkombëtare shëndetësore. Analizat e deritanishme dhe informacionet zyrtare të OBSH-së e cila e miratoi këtë vaksinë, tregojnë se e njëjta është efikase 51 për qind gjatë mbrojtjes së rasteve asimptomatike dhe mbron 100 për qind nga zhvillimi i formës së rëndë të sëmundjes”, thonë nga Ministria.

Shtojnë se sipas dy studimeve më të reja të OBSH-së të bëra në Brazil për efikasitet të vaksinës nga llojet e reja të cilat janë për momentin në qarkullim, është konfirmuar se e njëjta mbron 50 për qind në studimin e parë dhe 83 për qind në studimin e dytë.

“Siç do të ketë studime të reja zyrtare dhe të dhëna për efikasitetin e vaksinave, Ministria e Shëndetësisë do ta informojë publikun. Në këto momente shumë të ndjeshme kur fillon vaksinimi masiv në vendin tonë, bëjmë thirrje për përgjegjësi maksimale nga të gjithë individët dhe mediat sa i përket vaksinimit dhe shpërndarjes së qëndrimeve shumë të rëndësishme të cilat janë të mbështetura me dëshmi shkencore dhe studime të konfirmuara”, theksojnë nga MSH.

Related posts

Mot me diell dhe i ngrohtë me vranësira to vogla deri në mesatare lokale

D V

Fushatë e AUV-së: Kafshët e ngordhura të mos preken, por të paraqiten në aplikacionin “Stop tërbimit”

Z H

Thaçi: Qasja e PDSh-së gjithmonë ka qenë serioze

D V

This website uses cookies to improve your experience. We'll assume you're ok with this, but you can opt-out if you wish. Accept Read More